Gwasanaethau Lleol

Cruse Bereavement Care yw’r brif elusen genedlaethol ar gyfer pobl mewn profedigaeth gan gynnig cefnogaeth dros y ffôn, e-bost ac ar y wefan. Mae cefnogaeth ar gael ledled bwrdeistrefi sirol Pen-y-bont ar Ogwr, Rhondda Cynon Taf a Merthyr Tudful.

Mind CTM yw’r elusen Mind lleol sy’n darparu gwasanaethau cefnogi iechyd meddwl a thai ar draws Pen-y-bont ar Ogwr, Rhondda Cynon Taf a Merthyr Tudful.

Wedi’i leoli yn RCT, mae Eye to Eye yn cynnig cwnsela rhad ac am ddim cyfrinachol i bobl ifanc rhwng 10 a 25 oed mewn ysgolion, yn y gymuned ac ar lein.

Bydd Hafal yn helpu pobl â salwch meddwl difrifol a’u teuluoedd i weithio i gyfeiriad adferiad. Seilir eu holl wasanaethau gan Raglen Adfer Hafal sy’n grymuso cleientiaid a theuluoedd i gymryd rheolaeth dros eu bywydau a chael adferiad. Mae Hafal yn gweithredu sawl prosiect gwahanol i helpu cefnogi iechyd meddwl a llesiant.

Mae Iechyd Meddwl New Horizons yn darparu gwasanaethau amrywiol i gefnogi pobl â phroblemau iechyd meddwl yng nghymunedau Cwm Taf Morgannwg. Drwy eu Coleg Adferiad maen nhw’n darparu cyrsiau i’ch arfogi â’r wybodaeth a’r offer i reoli eich iechyd meddwl yn dda. Hefyd ceir sawl grŵp cymdeithasol a chefnogaeth gyfoed o grefftau i ysgrifennu creadigol i gerdded. Mae adferiad yn ymwneud â thyfu ac ailsefydlu hunaniaeth. Mae’n cynnwys lleihau ynysrwydd, herio stigma, ac wynebu’r anawsterau y gall iechyd meddwl eu cyflwyno.

Mae Platfform yn gweithio gyda phobl sy’n profi heriau gyda’u hiechyd meddwl, a gyda chymunedau sydd eisiau creu mwy o ymdeimlad o gyswllt, perchnogaeth a llesiant yn y mannau ble maen nhw’n byw. Mae Platfform yn cynnal prosiectau ar draws bwrdeistrefi sirol Pen-y-bont ar Ogwr, Rhondda Cynon Taf a Merthyr Tudful ar hyn o bryd.

Mae Cyngor ar Bopeth RCT yn elusen annibynnol ac yn rhan o rwydwaith CAB ar draws Cymru a Lloegr.
Maen nhw’n darparu cyngor rhad ac am ddim, cyfrinachol a diduedd yn RCT ar sawl maes

Mae MHMWales yn elusen iechyd meddwl a leolir ym Mhen-y-bont ar Ogwr. Bydd MHMWales yn cynnal sawl Hwb Lleisant a maen nhw’n gweithredu nifer o brosiectau gwahanol ledled bwrdeistrefi sirol Pen-y-bont ar Ogwr, Rhondda Cynon Taf a Merthyr Tudful